Mbrojtësi i Real Madrid, Raphael Varane ka thënë se asnjëherë nuk duhet t’i jepet hapësirë yllit të Barcelonës, Lionel Messi.

Varane është në “Santiago Bernabeu” që nga viti 2011 kur u transferua nga Lens, ndërsa ka fituar katër herë Ligën e Kamiponëve dhe dy herët La Liga.

Francezi ka thënë se sekreti i madh për ta ndaluar Messin është të mos i jepet hapësirë, por duhet edhe bashkëpunim, transmeton portali arbresh.info.

“Nuk mund të mbrohesh siç bën me të tjerët dhe të duhet bashkëpunim. Nuk mund ta lejosh të qëndrojë vetëm”

“Të jesh mbrojtësi i Realit do të thotë të mos bësh shumë gabime. Kemi 50 metra fushë prapa nesh”

Francezi në fund tha se inspirimin më të madh e ka fituar nga Cristiano Ronaldo dhe Sergio Ramos.

“Jam inspiruar nga Pepe ose Ramos sepse janë mbrojtës dhe nga Cristiano Ronaldo, i cili është shembull për çdo futbollist”

“Ramos është fitues dhe ka shumë eksperiencë. Zidane gjithashtu është shembull i mirë. Jam që tetë vite këtu dhe dua të jap ma të mirën për fanellën”

Reali për momentin është në pozitën e dytë në tabelë me 40 pikë, aq sa ka edhe Barcelona që është lider i La Liga, por qëndron në pozitën e parë për shkak të golaverazhit./arbresh.info.